Yekîtiya Ewropayê pistgiriya cebilxaneya mezin dide Ukraynayê

PeyamaKurd – Yekîtiya Ewropayê (YE) ragihand, di çarçoveya amûra fînansê ya bi navê "Fona Aştiyê ya Ewropayê" de ji bo piştgiriya cebilxaneyê ya ji bo Ukraynayê 1 milyar euro tedbîr qebûl kiriye.

Bi vî awayî, şandina topên 155 mm ji artêşa Ukraynayê re û heke were xwestin, moşekên ku ji hêla welatên endamên Yekîtiya Ewropî ve bi hev re ji pîşesaziya berevaniyê ya Ewropî werin peydakirin, wê were fînansekirin.

Berhemên hevbeş ên cebilxane û moşekan wê bi rêya operatorên aborî yên ku li Yekîtiya Ewropa an Norwêcê ne, bêne çêkirin. Çêkirina cebilxane û moşekan li YE an Norwêcê jî wê were piştgirîkirin.

Ji aliyê din ve bi vê alîkariyê re tevkariya YEyê ya ji bo Ukraynayê di çarçoveya Fona Aştiyê ya Ewropayê de wê bibe 5,6 milyar euro.