YNK: Bêyî PDKê em ê li Kerkûkê gavan nehavêjin

Peyama Kurd - Endamê Lijneya Siyasî ya Yekîtiya Niştimanî ya Kurdistanê (YNK) Rizgar Hacî Heme ragihand ku beriya avakirina reveberiya herêmî ya Kerkûkê ew ê bi partiyên Kurdistanî re bicivin. Hacî Heme anî ziman ku eger Kurd bi her aliyan re li hev bikin, wê postê Serokatiya Parêzgariya Kerkûkê bikeve destê Kurdan.

Rizgar Hacî Heme got: "Berî ku em bi civak yan partiyeke din re dest bi danûstandinan bikin, divê pêşwext bi Partiya Demokrata Kurdistanê (PDK) re bicivin û plan û bernameyên xwe parve bikin."

Hacî Heme her wiha diyar kir ku di mijara hemû navçeyên Kurdistanî yên li derveyî îdareya Herêma Kurdistanê ku wek 'Herêmên bi nakok' têne binavkirin û di serî de Kerkûk, hemû partiyên Kurdistanî xwedî berpirsyariyeke hevpar in û dom kir: "Ji ber vê yekê jî em ê di demeke nêz de serdana hemû partiyên Kurdistanî bikin lê belê helbet beriya her partiyan em ê bi PDKê re bişêwirin."

Endamê Lijneya Siyasî ya YNKê Rizgar Hacî Heme balê kêşa hevagahdarkirina YNK û PDKê û got: “Bêyî şêwira bi PDKê re em li Kerkûkê ti gavan navêjin. Em dikarin bi PDKê  re, xwe ji bo danûstandinên baştir bi aliyên din re amade bikin.