Zanîngeha Arîzona ya Amerîka bi awayê online dersên Kurdî dide

PeyamaKurd – Zanîngeha Arîzona ya Amerîkayê bi awayekî online vê havînê wê dersên Kurdî bide.

Navenda Lêkolînên Zimanan û Rojhilata Navîn a Zanîngeha Arîzona ya Amerîkayê, wê di heyama werza havînê de bi awayekî online dersên Kurdî-Kurmancî bide.

Li ser malpera zanîngehê hatiye ragihandin ku waneya fêrkirina Kurmancî bi beşdariya 12 kesan sînorkirî ye û wê ders ji 18ê Gulanê heta 3yê Tîrmehê rojên Pêncşeman ji demjimêr 14:00 heta 16:00 ji aliyê Mutlu Çîvîroglu ve bê dayîn.

Mutlu Çîvîroglu kurdekî ji Bakurê Kurdistanê ye, ev demeke dirêj e li Washingtonê dijî ku di heman demê de rojnamevanekî Dengê Amerîka beşa Kurdî ye.

Kesên dixwazin beşdariya dersên kurmancî bikin, dikarin ji vê girêdanê bikevin malpera zanîngehê.

https://cmes.arizona.edu/kurdish/online