Zelenskiy: Pîlotên Yûnanî wê di perwerdehiya F-16 de pistgiriya Ukraynayê bikin

PeyamaKurd – Serokê Ukraynayê Volodymyr Zelenskiy got, Yûnanîstan wê ji bo perwerdekirina pîlotên F-16 piştgirî bide Ukraynayê.

Zelenskiy bi helkefta 20 saliya Yekîtiya Ewropayê (YE) çû Atînaya paytexta Yûnanîstanê û bi serokên welatên Balkana Rojava, Seroka Komîsyona Yekîtiya Ewropayê Ursula von der Leyen û Serokê Konseya Ewropayê Charles Michel re hevdîtin kir. Civîna Bilind a Balkanên Rojava û Danezana Selanîkê.

Serokwezîrê Yûnanîstanê Kiryakos Mitsotakis û Zelenskiy piştî hevdîtina dualî daxuyaniyeke hevpar a çapemeniyê dan.

Zelenskiy diyar kir, bi Mîtsotakis re li ser pêşaniyên Ukraynayê axivîn û wiha got: "Min pêşanînên gelekî girîng anîn ziman. Ji bo bidawîkirina dagirkeriyê ji bo perwerdekirina pîlotên xwe yên F-16 hewcedariya me bi piştgiriya Yûnanîstanê heye."

Zelenskiy ji ber biryara perwerdekirina pîlotên Ukraynayê yên F-16an spasiya Yûnanîstanê kir û diyar kir, hûrgiliyên perwerdeyê wê ji aliyê rayedarên pêwendîdar ên herdu welatan ve bên diyarkirin. Serokê Ukraynayê tekez kir, ji bo vejandina korîdora genim jî pêwîstiya wan bi alîkariyê heye.

Serokwezîrê Yûnanîstanê Mîtsotakis jî bal kişand ser civaka Yûnan a bi sedsalan a li Ukraynayê dijîn û got, Mariupol ne tenê bajarekî bi navê Yûnanî ye, di heman demê de bajarekî bi xwîna Yûnanî ye.

Mîtsotakis got, "Em sûcên şer ên li ser axa Ûkraynayê tên kirin şermezar dikin. Divê ev sûc li gorî hiqûqa navneteweyî bên cezakirin."

Mîtsotakis bal kişand ku ji şerê li Ukraynayê bandoreke neyînî li tevahiya Ewropayê kir û got, "Rûsya gaza xwezayî wekî çek bikar anî û bû sedema krîza enerjiyê ya navneteweyî û krîza enflasyonê."

Mîtsotakis bal kişand ku vekişîna Rûsyayê ji peymana genim wê bibe sedema zêdebûna bihayê erzaqê û krîza erzaqê li seranserê cîhanê û diyar kir, divê peymana genim ji nû ve were tetbîqkirin.

Mitsotakis bal kişand ser wê yekê ku Ukrayna piştgiriya endametiya Yekîtiya Ewropayê dike û got, Porta Alexandroupolis xalek girîng e ji bo şandina alîkariyê ji bo hevalbendan û li milê rojhilatê NATOyê.

Mîtsotakis diyar kir, Yûnanîstan jî amade ye beşdarî pêvajoya ji nû ve avakirina Ûkraynayê bibe.

Zelenskiy di heman demê de li ser platforma medyaya civakî X ku berê wekî Twitter dihat zanîn diyar kir, "Yûnanistan tevlî koalîsyona hewayî bû: Ew ê pîlotên me ji bo firîna F-16an perwerde bikin. Yûnanîstan jî ji bo Ukraynayê pakêteke nû ya alîkariyê ya leşkerî amade dike."

Di daxuyaniya hevpar a bi îmzeya Mitsotakis û Zelenskiy de ku piştî civîna çapemeniyê ya hevpar hat weşandin, hat destnîşankirin ku gavên navneteweyî yên ji bo piştgiriya Ukraynayê hatin avêtin hatin bibîranîn û herdu welatan biryar dan ku ji bo endamtiya Ukraynayê ya di hevpeymaniya NATOyê da xebatên xwe yên hevpar zêde bikin.

Di daxuyaniyê de hat destnîşankirin, Yûnanîstan wê di nav piştgiriya madî û siyasî ya NATOyê ya ji bo Ukraynayê de cih bigire, alîkariyên leşkerî, teknîkî, parastinî û însanî yên ji bo Ukraynayê bidomîne û di pêvajoya ji nû ve avakirina Ukraynayê de bi rêxistinên navneteweyî û hevpeymanan re tevbigere piştî şer.

Di daxuyaniyê de bal hat kişandin ser wê yekê ku Yûnanîstan piştgiriyê dide endamtiya Ukraynayê ya NATOyê, di daxuyaniyê de hat gotin ku "Ewlehiya Ukraynayê ji bo aramiya herêma Euro-Atlantîkê gelekî girîng e."

Zelenskiy ku di çarçoveya serdana xwe ya Atînayê de bi Serokdewleta Yûnanîstanê Katerina Sakelaropulu re jî hevdîtin kir got, "Ji ber biryarên girîng, perwerdekirina pîlotên me yên F-16 û ji bo alîkariya însanî ez gelek spasiya we dikim. ."

Sakelaropulu destnîşan kir, piştgiriya Yûnanîstanê ya ji bo Ukraynayê wê bidome.