Zelensky ji Parlamentoya Ewropayê re gotarek pêskes kir: Rûsya dewleta terorê ye!

PeyamaKurd – Serokê Ûkraynayê Volodomir Zelensky, bi awayekî online gotarek li Parlamentoya Yekîtiya Ewropayê (YE) pêşkeş kir û bal kişand ser di bombardimanên rûsî de kuştina sivîl û zarokan û Rûsya wekî dewleta terorê bi nav kir.

Zelensky got ku tenê doh li Xarkovê di bombardimanê de 16 zarok hatine kuştin û daxwaz YEyê kir wan wekî beşek ji xwe qebûl bikin û vê jî îspat bikin.

Herwiha Zelensky da zanîn ku ew dê berxwedana xwe ya dijî hêzên Rûsyayê berdewam bikin û got, “Ti kes nikare destwerdana welatê me û azadiya me bike. Ti kes nikare me bişkîne. Em bihêz in, em ûkreynî ne.”

Axaftina Zelensky ji aliyê parlamentarên ewropî ve li ser piyan û bi çepikan hat pêşwazîkirin û li gorî zanyariyên dawî, YEyê serlêdana endamtiyê ya Ûkraynayê ku Zelensky doh îmze kiribû jî qebûl kiriye daku bi şêweyeke taybet wê daxwazê binirxîne.