Zelensky: NATO garantiya ewlehiyê ya herî bas e ji bo Ukraynayê

PeyamaKurd – Serokê Ukraynayê Volodymyr Zelenskiy diyar kir, endamtiya NATOyê ji bo Ukraynayê garantiya ewlehiyê ya herî baş e.

Zelenskiy di civîna çapemeniyê ya ku piştî Civîna Civata Siyasî ya Ewropayê ya ku li Keleha Mimi ya dîrokî ya ku 20 kîlometre dûrî sînorê Ukraynayê li Moldovayê hat lidarxistin da pirsên rojnamegeran bersivand.

Zelenskiy got, "Ji bo Ukrayna di nêzîkbûna xwe ya bi NATOyê re gavekê biavêje, divê her tiştî bikin û vê sînyalê ji welatên endamên îtîfaqê bistînin."

Zelenskiy nirxand ku eger Ukrayna di NATOyê de bûya Rûsya êrîş nake û got, "Ev nîşan dide ku NATO garantiya ewlehiyê ya herî baş e."

Zelenskiy spasiya hevkarên xwe yên rojavayî kir ji ber biryara dabînkirina firokeyên F-16 yên Ukraynayê, lê diyar kir ku ew ê piştî demek diyarkirî werin radestkirin.

Zelenskiy da zanîn ku pêwîstiya wan bi balafirên şer ên modern heye û got, “Heta ku em balafiran wergirin divê em bijîn. Bê guman em ê vê yekê bikin, lê ji bo vê yekê pêdivî bi parastinê heye. Heta ku balafirek me hebe, hewcedariya me bi Patriotên zêdetir heye."

Zelenskiy li ser mijara herêma Transnestriya ya ku li Moldovayê ye û serxwebûna xwe yekalî ragihand, got ku di çarçoveya Rêxistina Ewlekarî û Hevkariya Ewropayê (OSCE) de 5+2 nûnerên Transnistria, Moldova, Rusya, Ukrayna, DYE. Û OSCE û Yekitiya Ewropayê jî di çareseriya pirsgirêkê de cih digirin û got ku formata "bê can" e.

Herwiha Zelenskî got, “Pêwîst e li ser helwesta dewleteke bihêz, dewleteke serketî ya ku xaka xwe vegerandiye, were axaftin. Di warê yekitiya Moldovayê de bi vî welatî re helwesteke me ya hevpar heye."

Zelenskiy amaje bi wê yekê kir ku Romanya û hevkarên din dikarin di çareseriya pirsgirêka Transnistriya de beşdar bibin û got, "Lê belê, Ukrayna teqez dê yek ji rola sereke bilîze. Ji ber ku sînorê me yê hevpar heye."

Dema ku li ser çarenûsa leşkerên Rûsî yên li Transnestriya hat pirsîn, Zelensky got, "Ew ê bixwazin bijîn. Ew ê biçin."