Erdogan û Trump bi telefonê axivîn

PeyamaKurd – Serokomarê Tirkiyê Recep Tayyîp Erdogan û Serokê Amerîkayê Donald Trump li ser têkiliyên dualî, mijarên herêmî û cîhanî axivîn.

Receb Teyib Erdogan û Donald Trump îro Yekşemê 16ê Adara 2025an bi telefonê axivîn.

Li gor daxuyaniya ku li ser hesabê medyaya civakî ya Serokatiya Ragihandinê ya Serokatiya Sererkaniyê hat parvekirin, di hevdîtinê de têkiliyên dualî yên navbera Tirkiye û Amerîkayê, mijarên herêmî û cîhanî hatin gotûbêjkirin.

Serokomar Erdogan di hevdîtinê de diyar kir ku di vê hevdîtinê de Tirkiye û Amerîka wek du hevalbend wê di heyama nû de hevkariya xwe bi awayekî hevpar, encamgir û ji dil pêş bixin.

Di daxuyaniya Serokatiya Ragihandinê ya Serokatiya Sererkaniyê de ev agahî hatin dayîn:

Serokomar Erdogan destnîşan kir ku geşedanên herêmî û cîhanî di hemû mijaran de di navbera Tirkiye û Amerîkayê da rawêjkariyên zêde hewce dike, ew piştgiriyê didin gavên bi biryar û rasterast ên Serokê Amerîkayê Trump ên ji bo bidawîkirina şerê navbera Rûsya û Ukraynayê û Tirkiye ji destpêka şer û vir ve ji bo aştiyeke adil û mayînde têdikoşe û wê berdewam bike.

Serokomar Erdogan di hevdîtinê de diyar kir ku ji bo îstiqrara Sûriyeyê, pêkanîna rêveberiya nû û rakirina cezayên ji bo normalîzebûnê li Sûriyeyê bi hev re tevkariyê bikin û wiha got:

Serokomar Erdogan diyar kir ku di heyama nû da di mijara têkoşîna dijî terorê de bi feraseteke ku berjewendiyên Tirkiyeyê li ber çavan digire, ji DYAyê gav tên hêvîkirin û destnîşan kir ku ji bo pêşdebirina hevkariya di navbera herdu welatan de di warê endustriya parastinê de divê cezayên CAATSAyê bi dawî bibe, pêvajoya kirîna F-16an bi dawî bibe û dîsa beşdarî bernameya F-35an bibe.