Helîkoptereke leskerî ya Iraqê kete xwar

PeyamaKurd - Hat ragihandin ku îro Sêşemê êvarê helîkoptereke leşkerî ya Iraqê li sînorê parêzgeha Mîsanê li başûrê Iraqê ket û xwar û 2 kesên tê de birîndar bûn.

Çavkaniyeke ewlehiya Iraqê ragihand ku helîkoptereke leşkerî di dema daketinê de ketiye xwarê û 2 kesên tê de birîndar bûne.

Hat diyarkirin helîkopter li nehiyeya Seyid Ehmedî Refayî ya navçeya Meymune ya Mîsanê ketiye xwar.

Hat eşkerekirin 6 kes di helîkopterê de hebûn û 2 kes ji wan birîndar bûne û birîndar ji bo nexweşxaneya Mîsanê hatine veguhestin.

Hêzên ewlehiya Iraqê herêm dorpêç kirine û li ser sedema ketina helîkopterê lêkolîn dan destpêkirin.

Wezarea Bergiriya Iraqê ketina helîkopterê piştrast kir û ragihand, cûreya helîkopterê M 17 ye û ya artêşa Iraqê ye û ji ber pirsgirêkeke teknîkî ketiye xwarê.