Moskow û Kîevê pevguhertina dîlan kirin

PeyamaKurd – Serokkomarê Ûkraynayê Volodimir Zelenskiy ragihand ku du kahînên Dêra Katolîk a Roman ên Ûkraynayî ku di destpêka vê hefteyê de li bajarê Berdyansk ê dagirkirî ji aliyê Rûsyayê ve hatibûn desteserkirin, di çarçoveya danûstandinên di navbera Ûkrayna û Rûsyayê ya pevguhertina bi dehan leşkerên dîl a bi navbeynkariya Vatîkanê de, li Kîevê hatine radestkirin.

Rûsya û Ûkraynayê 90 dîlên şer ên ku di encama danûstandinên bi navbeynkariya Îmarata Ereb a Yekbûyî de hatibûn bi rêvebirin de pevguhertina dîlan kiribûn.

Di derbarê peymana pevguhertina dîlan de Serokkomarê Ûkraynayê Zelensky got, "Bogdan Gilita û Ivan Levitsky di civîna jidayikbûna Virgin a Dêra Katolîk a Roman a Ûkraynayê de, dema peyva Xwedê teblîx dikirin, ji aliyê Rûsyayê ve hatibûn desteserkirin.

Ji aliyê din ve Rûsyayê jî ragihand ku wan Keşeyê Ortodoks ê Ûkraynayê Metran Yonavan û du kahînên Katolîk ên Dêra Roman a Ûkraynayê radestî Ûkraynayê kirine.

Metran Yonavan, di Tebaxa 2023an de ji ber beşdarî parastina ji dagirtina Rûsyayê ya Ûkraynayê bûbû, bi 5 sal cezayê girtîgehê hatibû mehkûmkirin.

Dêra Ortodoks a Ûkraynayê ya ku nêzî Patrîkxaneya Moskowê ye, tevî ku piştî dagirkirinê, pêwendiyên xwe yên bi Moskowê re qut kir jî, di bin zextên rayedarên Ûkraynayê de mabû.