15 malbatên biyanî li Serêkaniyê hatin bicihkirin

PeyamaKurd – Li bajarê Serêkaniyê yê Rojavayê Kurdistanê ku di bin kontrola artêşa Tirkiye û komên çekdar de ye, demografiya tê guhertin û xelkên ji derve têne bicihkirin.

Herî dawî li gorî çavkaniyên herêmê, 15 malbatên çekdaran ên biyanî û sûriyeyî li Serêkaniyê hatin bicihkirin.

Li gorî çavkaniyan malbatên çekdaran li baregeha artêşa Tirkiyê ya nêzî rêya Kornîş a li beramberî Parka Basil hatin komkirin û ji wir dê li navçeyê bên belavkirin.