Almanyayê, li ser firotina çekan banga hevkariyê kir

PeyamaKurd- Wezîra Karên Derve ya Almanyayê Annalena Baerbock, bi navbeynkariya medyayê da zanîn ku li ser hinardekirina çek û amûran pêwîstî bi qaîdeyên hevpar ên Ewropayê heye.

Annalena Baerbock ji rojnameya Welt re got ku "Heger em bi tundî bombebarankirina xelkê sivîl şermezar bikin, em nikarin ji wan re hinardeya cebilxaneyan bikin. Ji ber vê yekê pêwîstiya me bi rêgezên hevpar ên Ewropî heye ku em ê hinardeyê bikin.”

Baerbock da zanîn ku berê siyasetmedar û civak têra xwe nedihesiband ku bi rastî parastin tê çi wateyê, ji ber ku tê bawerkirin ku Ewropa dê her tim di nav aştiyê de bijî û wiha got:

"Tevî ku em demeke dirêj e di nav NATO û Yekîtiya Ewropayê yê de li ser mijarên ewlekarî û berevaniyê di nav hevkariyek nêzîk de ne, lê şerê Rusyayê nîşanî me da ku cebilxane û alavên di navbera welatên Ewropî de bixweber li hev nayên. Ji ber vê yekê, em çawa dikarin ji nêzîk ve bi hevkarên xwe re hevkariyê bikin?

Di warê çekan de jî di warê polîtîkaya pîşesaziyê de jî divê em li ser stratejiyeke ku em dikarin bikin dixebitin. Ev jî tê wê wateyê ku ji bo hinardekirinê, xeteke hevpar hewce dike.”