Amerîka dixwaze têkiliyên bi Kurdistanê re bastir bibin

PeyamaKurd - Şandeke Amerîkî serdana Serokwezîrê Herêma Kurdistanê Nêçîrvan Barzanî kir û di hevdîtinê de şanda mêvan amaje kir ku ew hêvîdarin pêwendî û têkiliyên wan bi Herêma Kurdistanê re di hemû waran de bihêz bibin.

Serokwezîrê Herêma Kurdistanê Nêçîrvan Barzanî pêşwaziya Konsulosê nû yê Amerîkayê yê li Hewlêrê Stephen Vaughan û şandeke pê re kir.

Di civînê de ku konsulosê berê yê Amerîkayê yê li Hewlêrê Kin Gross jî tê de beşdar bû, behsa têkiliyên navbera Kurdistan û Amerîkayê hate kirin û Kin Gross spasiya hikûmeta Kurdistanê kir ku di dema erkdariya vî de hevkariya vî kiriye û hêvî xwest ku heman hevkarî bo konsulosê nû yê Amerîkayê jî were domandin.

Herwiha şanda mêvan amaje kir ku ew hêvîdarin têkiliyên di navbera Kurdistan û Amerîkayê de li hemû waran bihêztir bibin û amadebûna xwe jî bo piştgîrîkirina prosesa siyasî li Iraqê û Kurdistanê diyar kir.

Di berdewamiya civîna han de Serokwezîrê Kurdistanê Nêçîrvan Barzanî hêviya serkeftinê bo konsulosê berê yê Amerîkayê xwest û rola vê di warê pêşdebirina têkiliyên navbera Kurdistan û Amerîkayê de bilind nirxand.

Nêçîrvan Barzanî herwiha eşkere kir ku Kurdistan berdewam dibe li ser hewldanên ji bo bihêztirkirina pêwendiyên xwe yên li gel Amerîkayê.