Amerîka:Em ê derzîya Korona heta dawiya salê çêkin

PeyamaKurd - Li hemberî nexweşiya Korona ku li her dere dinyê belav bûye, hê jî çarenûsek nehatiye dîtin û nexweşî nehatiye kontrolkirin.

Serokê Enstîtuya Neteweyî ya Alerjî û Nexweşîyên Enfeksîyonî Anthony Fauci, bi Kongresê re civiya û li ser derziya vîrusa korona bi wan re şêwirî.

Fauci diyar kir, dibe ku heta dawîya sala 2020’an derzîyê çêkin û got ew qonax dibe ku heta serê 2021’an jî bidome.

Fauci got, ‘’Em ne li ser çêbûn yan çênebûna derzîyê, lê li ser dema wê diaxifin.’’

Wî da zanîn ku, di hefteyên pêş de bo Ameîka dê demên krîtîk destpê bikin.

Li gor agahîyên dawî yên Zanîngeha Johns Hopkinsê, li Amerîka pirtir ji 2,300,000 kes bi vîrusa korona ketine 121,176 kes bi wê mirine.