Amerîka, Fransa, Almanya û Brîtanya êrîsa li ser Hewlêrê sermazar kirin

PeyamaKurd – Bi daxuyaniyeke hevbeş, Amerîka, Fransa, Almanya û Brîtanya, êrîşên moşekî yên 15ê vê mehê li ser Hewlêrê pêk hat şermezar kirin û diyar kirin, êrîşên bi vî rengî nayên qebûlkirin.

Piştî civîna hevbeş a wezîrên derve yên Amerîka, Fransa, Almanya û Brîtanyayê, daxuyaniyeke hevbeş hat belavkirin û di beşeke daxuyaniyê de hat diyarkirin: “Em êrîşên moşekî yên 15ê mehê yên ser Hewlêrê şermezar dikin û sersaxî li xizmên qurbaniyan dikin û êrîşkirina ser Hevpeymanan û NATOyê bi tu awayî nayê qebûlkirin.         

Di daxuyaniyê de behsa gefên DAIŞê hatiye kirin û dibêjin: “Helmetên di çarçoveya Hevpeymaniya Navdewletî ya dijî DAIŞê de, ku ji 83 welatan pêk tên, li Sûriye û Iraqê berdewam dibin.”

Amerîka, Fransa, Almanya û Brîtanya destnîşan kirin, zêdekirina hemahengiya navbera wan a ji bo jinavbirina gefên DAIŞê girîng e.

Herwiha li ser Îranê jî, Amerîka, Fransa, Almanya û Brîtanya ji Tehranê daxwaz kirin ku ji pêngavên xwe yên metirsîdar ên ku girtine ber xwe, paş vekişe û hişyarî dan Îranê ku encamên karên xwe bifikire.