Artêsa Tirkiyê navendeke YBS ya li Singalê bombebaran kir

PeyamaKurd – Artêşa Tirkiyê bi dronekê navendeke YBŞ ya li Şingalê bombebaran kir.

Li gor zanyariyan, êrîşa do êvarî di saet 18:00an de pêk hatiye û Parlamenterê Neynewayê di parlamentoya Iraqê de Şêrwan Dûberdanî roja Sêşemê 1ê Mijdara 2022an daye zanîn: “Di saet 18:20ê êvara Sêşemê, balafireke bêbalafirvan a Tirkiyê, li gundê Qendîl ê ser bi qezaya Şingalê navendeke hêzên YBŞê bombebaran kiriye.”

Herwiha Şêrwan Dûberdanî destnîşan kiriye ku di êrîşê de tu ziyanên canî û madî çênebûne.

Medyaya nêzîkî PKKê jî gotiye, êrîş li gundê Quba Hesin Meman a li nêzîk navenda qezaya Şingalê çêbûye û zerar tenê madî bûne û tu zirarên canî çênebûne.