Awistralyayê hisyarî da welatiyên xwe ku neçin Sûriyê

PeyamaKurd- Hikumeta Awistralyayê hişyarî da welatiyên xwe ku neçin Sûriyeyê û  ragihand, hîn jî metirsiyeke mezin li ser ewlehiya sivîlan heye.

Wezareta Karên Derve ya Awistralyayê bi daxuyaniyekê ragihand, rewşa ewlehiyê li Sûriyeyê hêj aram nebûye û li deverên cûda pevçûn didomin ku dibin sedema kuştin û birîndarbûna hejmarek mezin a sivîlan.

Wezaretê bang li hemû welatiyên xwe yên li Sûriyeyê kir ku li deverên ewle bimînin û di zûtirîn demê de ji wan derkevin. Wezaretê  destnîşan kir ku îhtîmal heye balafirgeh û deriyên sînor bêyî hişyariyeke pêşwext jî werin girtin.

Wezaretê da zanîn, ji ber êrîş û pevçûnên çekdarî dibe ku deriyên bejahî yên bi Lubnanê re jî werin girtin û ji kesên ku dixwazin di Lubnanê re derbas bibin xwest ku bi desthilatên têkildar ên welatên derdorê re hemahengiya pêşwext bikin.