Bakirhan: Heta Saredariya Colemêrgê li gel neyê vegerandin em ê ranewestin

PeyamaKurd - Hevserokê Giştî yê Partiya Wekheviya Gelan û Demokrasiyê (DEM Partî) Tuncer Bakirhan di civîna koma Parlamenê ya asayî ya heftane de geşedanên heyî nirxand.

Hevserokê Giştî yê DEM Partiyê Tuncer Bakirhan, diyar kir ku tayînkirina qeyûm a li Colemêrgê "qanûna dijmin e" û got: "Heta ku rêveberiyên herêmî careke din negirin em ê Colemêrgê neterikînin."

“Şaredariya Colemêrgê bi hovîtî û xayintî hat desteserkirin” 

Bakirhan destnîşan kir ku qeyûm tayînkirin derbe ye wiha domand: “Şaredariya me ya Colemêrgê bi hovîtî û xayintî hate desteserkirin. Di hilbijartinên 31’ê Adarê de têkoşînek pir dijwar hebû. Pergal bi hemû hêza xwe li Colemêrgê zivirî. Jixwe ew kiribûn garnîzon. Berê jî bûbû yek ji navendên ku karên pir qirêj lê dihatin kirin. Me li Colemêrgê bi partiyên siyasî re hevrikî nekir. Hûn bawer bin, me li wir bi cerdevanan, bi çeteya 5 kesan, bi sermayeya qirêj, bi îtîrafkaran, bi hemû saziyên dewletê, bi burokrasî, bi hikûmeta AKP-MHP’ê û bi îttîfaqa JÎTEM’ê re hevrikî kir. “Kedkarên Colemêrgê, xizanên ku serî li ber zextan natewînin, jin û ciwanan daxuyanî dan."

Bakirhan diyar kir ku gel tevî dijetiya van hêzan jî vîna xwe nîşan da û piştgirî da namzetê DEM Partiyê û got, “Gotin tevî hemû leyztik û zextên we jî, vîna me dostên me ne. Erê, wan çi kir? Weke berê, sibehekê bi derbeyê qeyûm tayîn kirin. Ew difikirin ku em ê li hemberî rêveberiyên herêmî yên hatine desteserkirin bêdeng bimînin. Em ê destûrê nedin. 

" Heta ku rêveberiyên herêmî venegerin em ê Colemêrgê neterikînin"  

Na, wisa talan nekin! Em ê li gel gelê Colemêrgê, weke Wanê, li gel kedkarên Tirkiyeyê, bindestan û mûxalefeta demokratîk a rast, li gel gelê Colemêrgê parastina vîna gelê Colemêrgê bikin. Ez careke din dibêjim, heta ku em careke din rêveberiyên herêmî venegirin em ê Colemêrgê terk nekin. Êdî bes e, bes e! Em ji vê neheqiyê, ji vê bêhiqûqiyê, ji vê qanûna dijmin re dibêjin êdî bes e. wê ev dijminayî çiqas bidome?"

58 rêxistinên cuda yên ked û girseya demokratîk û nûnerên partiyên siyasî beşdarî civîna koma DEM Partiyê bûn.