Balyozê Rusyayê: Amerîka, li pey e ku Rusya û NATO pev biçin

PeyamaKurd- Balyozê Giştî yê Amerîkayê Anatoliy Antonov, di nirxandina xwe ya derbarê şandina bi dizî ya moşekên ATACMS yên dûravêj ên Ukraynayê de axivî û diyar kir ku Amerîka, li peyî pevçûneke rasterast a navbera Rusya û NATOyê ye.

Anatoliy Antonov, di daxuyaniya xwe ya ji bo rojnamevanan de bal kişand ser wê yekê ku Amerîka li ser xeta ku dibe sedema bi temamî qutkirina têkiliyên dualî yên bi Rusyayê re û nakokiyên rasterast di navbera NATO û Rusyayê de dişopîne.

Balyozê Rusyayê bi bîr xist ku wan gelek caran rêveberiya Washingtonê ji gavên bilez hişyar kirine û bi berdewamî ragihandine ku derxistina çekan a rejîma Kievê, zirareke mezin dide ewlehiya stratejîk û herêmî û axaftina xwe bi vî awayî berdewam kir:

“Amerîka, ji bo pevçûneke rasterast di navbera NATO û Rusyayê de zextan berdewam bike. Biryara Koşka Spî ya şandina moşekên dûravêj ji Ukrayniyan re xeletiyek mezin e. Encamên vê pêngava ku bi zanebûn ji raya giştî hate veşartin, wê gelek giran bin. Washington bi berdewamî xetekê dişopîne ku têkiliyên dualî bi tevahî qut bike."