Belema ku koçberên Kurd jî tê de hebûn noq bû: 3 cenaze derxistin, 25 winda ne

PeyamaKurd – Li nêzîkî girava Samosê ya Yunanistanê belemeke 33 koçber tê de bûn noq bû ku tenê 5 kes hatine rizgarkirin.

Hate zanîn ku belema koçberan a 33 kes tê de bûn, îro danê sibehê li nêzîkî girava Samosê ya Yunanistanê binav bûye.

Li gorî zanyariyên berpirsên Yunanistanê, îro 23yê Îlonê saet 09:30î li deryaya Egeyê nêzîkî girava Samosê belemeke koçberan ku ji Tirkiyeyê diçû Yunanistanê noq bûye û hejmarek koçber xeniqî ne.

Hêzên ewlehiya peravên Yunanistanê gihîştine bûyerê û ji 33 rêwiyan tenê 5 kes rizgar kirine ku termê 3 kesan ku jin bûn ji deryayê derxistine.

Lêgerîna 25 kesên din ji aliyê hêzên Yunanistanê ve dewam dike ku dibe hejmarek ji wan koçberên winda Kurd bin.