Berdevkê PDKê: PDK û YNKê hê li ser namzedê hevbes lihev nekirine

PeyamaKurd - Berdevkê Partiya Demokrata Kurdistanê (PDK) Mehmûd Mihemed da xuyakirin heta niha YNK û PDKê li ser namzedekî hevbeş ji bo postê serokomariya Iraqê lihev nekirine.

Mihemed di civîneke rojnamevanî de ragihand ku YNK û PDK niha di gotûbêjan de ne û heta niha negihîştine rêkeftineke dawî li ser namzedê hevbeş ê postê serokomariyê.

Berdevkê PDKê got: “Pirsgirêkên Iraqê ti carî bi serokomar ve girêdayî nebûne, ez bawer nakim ku pirsgirêk bû. Rast e YNK û PDK xwedî têgihîştinên cuda ne, lê pirsgirêka Iraqê ji serokomariyê mezintir e.”

Mihemed bal kişand ser: “Kurtkirina mijarên di serokatiya herêmê de siyaseta medyayî ya hinek aliyên şîe di dema borî de bû, ji ber ku wan nebûna namzedekî hevbeş ê kurd weke ‘mezintirîn’ asteng li pêşiya proseya siyasî ya Iraqê bi nav kirin, lê pirsgirêka herî mezin di nav şîeyan de bû ne kurd bûn.”