Bi mosekan êrîsî baregeha Amerîkayê ya li Dêrezorê kirin

PeyamaKurd – Li parêzgeha Dêrezorê li rojhilatê Sûriyê li derdora qada gazê ya Kuniko ku hêzên Amerîkayê lê bicih bûne, bi moşekan êrîş hatin kirin.

Êrîşên bi moşekan li ser zeviya gazê ya Kuniko, ku hêzên Amerîkî lê bi cih bûne, ji herêmên li rojhilatê Sûriyê ku komên biyanî yên bi piştgirîya Îranê lê hene, hatin kirin.

Hat ragihandin ku moşek ji Bûkemala, rojhilatê Dêrezorê ku komên biyanî yên ku Îran piştgiriya wê dike hene hatine avêtin.

Xalên leşkerî yên girêdayî hêzên Amerîka û Hevpeymaniya Navdewletî ku li Sûriyê kar dikin, car caran ji deverên ku komên biyanî yên ku Îran piştgirîya wan dike, dibin armanca êrîşên moşekî.

Di 25ê Adarê de komên têrorîst ên biyanî yên ku Îran piştgiriya wan dike, bi roketan êrîşî zeviyên petrolê yên Omer û gaza Kuniko kirin.

Bajarê Dêrezorê ye ku ji Îranê heta Lubnanê ji bejahiyê ve girêdayî ye. Xetên borî û rêyên bazirganiyê yên ji Iraq û Urdinê jî di vî bajarî re derbas dibin.

Bajarê Dêrezorê ye ku ji Îranê heta Lubnanê ji bejahiyê ve girêdayî ye. Xetên borî û rêyên bazirganiyê yên ji Iraq û Urdinê jî di vî bajarî re derbas dibin.

Navend û rojavayê parêzgeha Dêrezorê piştî derketina DAIŞê di Mijdara 2017an de bi alîkariya komên ku Îran piştgiriya wan dike û Rûsyayê, ketibû destê rêjîma Esed.

Komên biyanî yên bi piştgirîya Îranê, ku bûne hêza bejayî ya rejîmê, bi giranî li Dêrezorê hene.

Komên Îranî, Îraqî, Libnanî, Afganî û Pakistanî yên li herêmê bi cih bûne, ji aliyê endamên Artêşa Pasdarên Şoreşa Îranê ve tên birêvebirin. (Çavkanî: AA)