Biden alîkariya 45 milyar dolarî bo Ukraynayê îmze kir!

PeyamaKurd – Serokê Amerîkayê Joe Biden ragihand, wî qanûna budceya 1,7 trîlyon dolarî ya sala 2023an îmze kiriye.

Pêşnûmeya budceyê ya ku dê heta 30ê Îlona 2023an ji bo hikûmeta federal a Amerîkayê fînanse bike û sala malî ya 2023an biqede, piştî ku li Senato û Meclisa Nûneran a Amerîkayê hat qebûlkirin ji bo îmzeya Biden hat şandin.

Di daxuyaniya Qesra Spî de hat ragihandin, pêşnûme ji aliyê Biden ve hatiye îmzekirin.

Serokomarê Amerîkayê di nivîsa xwe ya li ser hesabê xwe yê medyaya civakî da herwiha bal kişand ser wê yekê ku proje yasaya budceyê ya ku piştgiriya herdu partiyan jî wergirtiye, îmze kiriye û wiha got: "Sala dîrokî ya pêşketinê bi dawî tê."

"Em di sala 2023-an de bêtir hêvî dikin"

Biden got, budçe veberhênanên di lêkolînên bijîjkî, ewlekarî, lênihêrîna tenduristiya dêran, başkirina karesatê û fonên qanûna tundûtûjiya li dijî jinan de pêşbîn dike. Herwiha diyar kir, bi budçeyê wê piştgiriyeke girîng ji Ukraynayê re bê kirin.

Biden got, "Em di sala 2023an de bêtir hêvî dikin."

Di pakêta budçeyê de ku piştî muzakereyên bi mehan li ser hat lihevkirin, lêçûnên neparastinê yên 772,5 milyar dolarî û fînansmana berevaniyê jî 858 milyar dolar e.

Di pêşnûmeya butçeyê ya navborî de 45 milyar dolar alîkariya leşkerî, mirovî û aborî ya ji bo Ukraynayê jî heye.