Biden ligel pîrozbahîya MacCarthy banga hevkariyê li Komariyan kir

PeyamaKurd – Serokê Amerîkayê Joe Biden, piştî ku Kevin MacCarthy yê Partiya Komarî wekî Serokê Encûmena Nûneran hat hilbijartin, pîrozbahî lê kir.

Joe Biden di peyama xwe ya pîrozbahiyê de, ji bo pêkanîna projeyan jî banga hevkariyê Komariyan kir ku piraniya Encûmena Nûneran di destê wan de ye.

Biden got ku gelê Amerîkayê û lîderên wê pêdiviyên welat di ser her tiştî de digirin û niha ya bê kirin jî ew e ku piştî Komariyan piranî bi dest xist û ji bo bicihkirina projeyên aborî, ewlehiya netewî û tenduristiyê ligel hev kar bikin.

Bi sedema ku Encûmena Nûneran ketiye destê Komariyan, tê çaverêkirin ku di demên pêş de li ber rêveberiya Joe Biden zehmetî derkevin.