Biden û Netanyahu li ser Lubnanê gotûbêj kirin

PeyamaKurd – Biden bi telefonê bi Netanyahu re axivî û got, "Divê zirara sivîlên li herêmên qelebalix ên Beyrûtê kêm bibe." Herwiha di axaftinê de tekezî li ser pabendbûna Amerîkayê ya ji bo ewlehiya Îsraîlê hat kirin.

Îsraîl operasyonên xwe yên li dijî Lubnanê didomîne. Di vê çarçoveyê de ji rêveberên welat daxuyanî û nirxandin tên kirin. Daxuyaniya dawî ya balkêş ji serokê Dewletên Yekbûyî Joe Biden hat.

Li gor daxuyaniya Qesra Spî, Alîkara Serokomar Kamala Harris jî beşdarî pêwendiya telefonê ya navbera Biden û Netanyahu bû.

Di hevdîtinê de ku tekezî li ser pabendbûna Amerîkayê bi ewlekariya Îsraîlê hat kirin, Biden ji Netanyahu re got ku "çareseriyeke dîplomatîk" lazim e da ku Lubnanî û Îsraîlî yên li ser xeta Şîn bi silametî vegerin welatê xwe.

Li gorî daxuyaniyê ku ti daxuyanî derbarê êrîşên zêde yên Îsraîlê de cih negirtiye, Biden herwiha tekezî li ser giringiya kêmkirina ziyanên sivîlan bi taybet li navçeyên qelebalix ên Beyrûtê kiriye.