Birîtanyayê pêwendiya dîplomatîk bi Tehrîr el-Samê re ragihand

PeyamaKurd – Wezîrê Derve yê Brîtanyayê David Lammy ragihand ku wan "têkiliya dîplomatîk" bi Heyet Tehrîr el-Şam re ku welatê wî weke rêxistineke terorîst dibîne danîne û got: "Brîtanya dikare pêwendiyên dîplomatîk pêk bîne, wekî ku tê pêşbînîkirin, têkiliyên me yên dîplomatîk hene."

Li gorî nûçeya BBC, Lammy diyar kir ku wan bi Tahrîr Şam a serkirdeyê komên ku rejîma Beas a Sûriyeyê hilweşandine re têkiliyên dîplomatîk danîne.

"Brîtanya dikare têkiliyên dîplomatîk pêk bîne, wekî ku tê pêşbînîkirin, têkiliyên me yên dîplomatîk hene." Lammy herwiha amaje bi wê yekê jî kir ku ew dixwazin hikûmeteke berfireh û nûnertiya her kesî li Sûriyê bibînin.

Lammy got, "Em dixwazin çekên kîmyewî di bin kontrolê de bin, neyên bikaranîn û tundî berdewam nebe."

Lammy da zanîn ku wan hemû kanalên vekirî ji bo vê yekê bi kar anîne û got, "Ev kanal û kanalên dîplomatîk in ku ji aliyê îstîxbaratê ve tên birêvebirin. Em li rêyan digerin ku bi Heyet Tehrîr Şamê re li ku pêwîst be, têkiliyê deynin."

David Lammy di daxuyaniya xwe ya 9ê Kanûnê de bi bîr xist ku Tehrîr el-Şam li Îngilîstanê di lîsteya rêxistinên terorê de cih digire û destnîşan kir ku ev rewş Brîtanyayê dihêle ku bi baldarî tevbigere.

Lammy bi bîr xist ku Tehrîr Şam temînat daye hindikayiyan, Lammy got, "Wan jî soz dan civaka navneteweyî ku di derbarê çekên kîmyewî de hevkariyê bike. Em ê Tehrîr Şam li gorî kiryarên wê dadbar bikin û ji nêz ve çavdêrî bikin ka ew çawa bi sivîlan re li herêmên di bin kontrola aliyên din ên şer de ne."

Ji aliyeke din ve Wezîrê Derve yê Amerîkayê Antony Blinken tekez kir, ku rasterast pêwendiya wan bi Tehrîr Şam re heye, ku ew jî di lîsteya rêxistinên terorîst de ye.