British Airways 12 hezar xebatkaran ji kar derdixe

PeyamaKurd- Şîrketa grûbî ya Îspanyolî IAG ragihandiye ku wê car din xwe birêbixin û di wê çarçoweyê de ji British Airways ê bi temamî 12 hezar karmendan ji kar derxe. Şîrket di ragihandina xwe de dibêje ku di 3 mehên serê sala borî de (2019), 123 mîlyon Euro kar kiriye lê di 3 mehên ewilî yên îsal de (2020) 535 mîlyon Euro zerar kiriye. Şîrket bo xwe bigihîne asta sala 2019an an ku berya belavbûna Kovid-19 ê, wê çend sal derbas bibe.

British Airways, niha 45 hezar xebatkarên wê hene. Berê ji bernama hukumeta Îngîlîz ya desteka maaşan destekê dîbû û 22 hezar û 626 karkerên xwe derxistibû îznê.

Di bin sîwana grûba şîrketa IAG de; British Airways, Iberia, Aer Lingus, Aer Lingus Regional, Iberia Regional, Iberia Express, BA CityFlyer ku şîrketên rêyên hewayî ne hene.