CHPê bersiva pirsa "Namzedê maseya 6 alî wê kengî were eskerekirin? da

PeyamaKurd – Di dema ku Tirkiye amadekariya hilbijartinên 2023an dike, namzedê serokomariyê yê maseya 6 alî hê jî nehatiye eşkerekirin. Di vê navberê de li ser wê kî bibe namzet û wê kengî namzed bê eşkerekirin, ji CHPê daxuyanî hat.

Alîkarê Serokê Giştî yê CHPê Bulent Tezcanê ku di bernameyeke televîzyonê ya beşdar bû, bersiva pirsa "Namzedê maseya 6 alî wê kengî were eşkerekirin?" da.

"Dawiya Kanûnê an destpêka Çile"

"Namzetê maseya 6 alî wê kengî were eşkerekirin?" Tezcan di bersiva pirsê de diyar kir ku maseya 6 alî, xebatên xwe didomîne û got, "Komîsyona hevpar heye ku beriya ragihandina namzetiyê wê polîtîkayên hevpar diyar bike. Di bin navê 9 sernavên sereke û 72 jêrnivîsan de xebatên xwe didomînin. Plan dikin ku di dawiya meha Kanûnê an jî di serê Çileyê de temam bikin. Namzedê serokomariyê jî wê di heman heyamê de diyar bibe."