Çînê, banga avakirina dewleteke serbixwe ya Filistînê kir

PeyamaKurd- Wezareta Karên Derve ve ya Çînê ragihand ku rayedarên Çînê, ji ber zêdebûna rageşî û tundiya di navbera Filistîn û Îsraîlê de bi fikar in û banga çareseriyê hat kirin ku rêya wê di dewleteke serbixwe ya Filistînê re derbas dibe.

Di daxuyaniya navborî de hat gotin ku "Rêya sereke ya pêşîgirtina li kêşeya navbera Filistîn û Îsraîl, pêkanîna 'çareseriya du dewletan' û avakirina dewleteke serbixwe ya Filistînê ye. Em bang li hemû aliyên têkildar dikin ku bi aramî û bergiriyê tevbigerin ku ji bo ku rewş xerabtir nebe û bi dawîkirina tavilê ya pevçûnan ji bo parastina sivîlan girîng e." 

Hat destnîşankirin ku pevçûnên di navbera Filistîn û Îsraîlê de ku ji nû ve tên dubarekirin, careke din îspat kir ku rawestandina pêvajoya aştiyê ji bo demeke dirêj nikare berdewam bike.

Her wiha hat diyarkirin ku divê civaka navneteweyî bi lez û bez tevbigere, piştgiriya xwe ya ji bo çareseriya pirsgirêka Filistînê zêde bike, hevdîtinên aştiyê yên di navbera Filistîn û Îsraîlê de di demeke herî kurt de ji nû ve dest pê bikin.