Blinken ji bo dewleteke serbixwe ya Filistînê talîmat da

PeyamaKurd – Wezareta Karên Derve ya Amerîkayê diyar kir ku piştî pevçûnên li Xezzeyê ew ê ji bo avakirina dewleteke serbixwe ya Filistînê ku garantiya ewlehiyê jî dide Îsraîlê, bibin şopdarên çalak.

Berdevkê Wezareta Derve ya Amerîkayê Matthew Miller di brîfînga xwe ya rojane ya çapemeniyê de geşedanên dawî yên li Xezzeyê û siyaseta Amerîkayê ya derbarê Filistînê de nirxandin.

Miller bersiveke berfireh da îdiayên ku piştî pevçûnên li Xezzeyê rêveberiya Amerîkayê xwe amade dike ku dewleteke serbixwe ya Filistînê nas bike.

Miller bi bîr xist ku bi salan e polîtîkaya naskirina dewleteke serbixwe ya Filistînê ya Amerîkayê heye û destnîşan kir ku rêveberiya Biden jî heman siyasetê dimeşîne, lê divê rewşa heyî ya li herêmê û ewlehiya Îsraîlê misoger bibe.

"Em di wê baweriyê de ne ku rêya herî baş a aştiyê ye"

Miller diyar kir ku di rewşa heyî de ji bo ku ji bo naskirina dewleta Filistînê plan û bijardeyên pêwîst çêkin bi awayekî aktîftir dixebitin, lê ew ê di nava Wezaretê de planên taybet ragihînin.

Berdevkê Amerîkayê got: "Em ê li dû avakirina dewleteke serbixwe ya Filistînê bi garantiya ewlehiyê ji bo Îsraîlê (piştî şerê Xezzeyê) bişopînin, ji ber ku em di wê baweriyê de ne ku ev rêya herî baş e ji bo ewlehî û aştiya Îsraîl, Filistîn û herêmê ye."

Miller li ser pirsa gelo naskirina Filistînê tê wateya "piştgiriya ji terorîstan re" wiha bersivand: "Terorîst dîtina hemû Filistîniyan fikreke bi temamî şaş û bêwate ye."

Berdevk Miller anî ziman ku dibe ku Wezîrê Karên Derve yê DYA Antony Blinken di demeke nêz de careke din biçe herêmê û di vê çarçoveyê de ji bo aştiyeke mayînde bi hemû aliyan re hevdîtinan bike.

"Blinken ji bo Filistîna serbixwe talîmat da"

Ji aliyê din ve hat ragihandin ku Blinken ferman daye ku vebijarkên polîtîk ên derbarê naskirina Filistînê wek dewlet ji aliyê rêveberiya Washingtonê û di asta navneteweyî de werin lêkolînkirin.

Du karbidestên Amerîkî yên haydar li ser vê mijarê ji malpera “Axios” a Amerîkayê re axivîn û diyar kirin ku Blinken daxwaz ji berpirsên wezaretê kiriye ku vebijarkên ji bo naskirina dewleta Filistînê piştî bidawîhatina êrîşên Îsraîlê li ser Xezzeyê binirxînin.

Karbidestên nenas ên ku ji Axios re axivîn tekez kirin ku "dewleta Filistînê ya bêçekbûyî" di nav vebijarkên ku Blinken dixwest lêkolîn bike heye.

Yek ji karbidestên Amerîkî got ku armanca Blinken ji pêdaçûna berfireh a dewleta Filistînî ya bêçekbûyî ew e ku vebijarkên ji bo çawaniya pêkanîna çareseriya du dewletan bi rengekî ku ewlehiya Îsraîlê dabîn bike, bikole.

"Netanyahu li ser pêşnûmeya planek demdirêj dixebite"

Rayedar bal kişand ser vê yekê ku Qesra Spî ji lêkolîna li ser vebijarkên polîtîk ên di derbarê naskirina dewleta Filistînê de haydar e û Wezareta Karên Derve wê di vê mijarê de gelek vebijarkan pêşkêş bike.

Hat diyarkirin ku ji bo siberoja Şerîda Xezzeyê ya ku ev nêzî 4 meh in di bin êrîş û ablûqeyê de ye li ser pêşnûmeya pirqonaxî û demdirêj dixebitî û ev pêşnûme bi raya giştî re parve kir. USA.

Hat diyarkirin ku Serokwezîrê Îsraîlê Benjamin Netanyahu ji bo siberoja Şerîda Xezzeyê ya ku ev nêzî 4 meh in di bin êrîş û ablûqeyê de ye li ser pêşnûmeya plansaziya pirqonaxî û demdirêj dixebitin û ev pêşnûme bi DYAyê re jî parve kiriye.