Dadgeha Iraqê cezayê sêdarê da hevjîna Bexdadî

PeyamaKurd - Dadgeha Bexdayê cezayê sêdarê da hevjîna yekem a Serokê berê yê DAIŞê Ebûbekir Bexdadî yê kuştî , Asma Muhammed.

Dadgeha Cezayê ya Kerx a Bexdayê,hevjîna Ebûbekir Bexdadî bi tohmeta “hevkariyê bi Dewleta Îslamî ya Iraq û Şamê (DAIŞ) re kiriye” û “Li mala wxe jin û keçên kurdên êzîdî girtine” cezayê darvekirinê da.

Dadgeha Iraqê ji bo hevjîna Ebûbekir Bexdadiyê ku 5 sal berê di operasyoneke hevbeş a Hêzên Taybet ên Dewletên Yekbûyî yên Amerîkayê (DYA) û Hêzên Sûriyeya Demokratîk (HSD) li Idliba bakurê Sûriyê de hatibû kuştin, biryara sêdarê da.

Di derbarê mijarê de ji aliyê Buroya Çapemeniyê ya Dadgeha Cezayê Giran a Kerxê ya li paytext Bexdayê ve daxuyaniyeke nivîskî hat dayîn.

Li gorî daxuyaniyê, dadgehê ji bo hevjîna Bexdadî, Esma Muhemmed, bi tohmeta “hevkariya bi DAIŞê re û "di mala xwe de jinên Kurdên êzîdî zindanî kiriye û piştre alîkariya DAIŞê kiriye ku wan ji Şengal û Rojavayê Kurdisltanê birevînin" cezayê sêdarê stand.

Jinên Êzidî serî li dozgeriyê dan

Di havîna sala 2014an de, Esma Mihemed , ku bi navê Umm Hudeyfe jî tê naskirin, ligel hevjînê xwe li Reqa, ku wê demê asêgeha DAIŞê li Sûriyê bû, dijiya.

Umm Hudeyfe di sala 1976ê de di malbateke Iraqî ya kevneperest de ji dayîk bûye û di sala 1999an de bi Îbrahîm Avad el-Bedrî re zewicî, ​​ku piştre bi nasnavê Ebûbekir Bexdadî dihat naskirin.

El-Bedrî li zanîngeha Bexdayê xwendina Şerîetê (Hiqûqa Îslamê) qedandibû. Hudayfe ku hevpeyvînek bi BBC re kir got ku wê demê ew "dîndar e lê ne zêde... muhafazakar, lê dilbirîn."

Doza ku ji aliyê êzîdiyên ku ji aliyê endamên DAIŞê ve hatibûn revandin û tecawizkirin, ew bi hevkariya di bikaranîna keç û jinên revandî de wek koleyên seksê tawanbar kir.

Tîmeke lêkolînê ya Neteweyên Yekbûyî got ku wê delîl dîtin ku DAIŞ jenosîd li dijî hindikahîya êzîdî ya Îraqê pêk anîye û ku girûpê tawanên dijî mirovahîyê pêk anîne, di nav de kuştin, îşkencekirin, revandin û kolekirin.

Di sala 2019an de, hêzên Amerîkî tevî hinek ji malbata el-Bexdadî li bakurê rojavayê Sûrîyê êrîşî veşartgeha el-Bexdadî kirin. Dema ku Bexdadî di tunêlê de asê mabû, êlekê xwe yê teqemeniyê teqand û di encamê de xwe û du zarokên xwe kuştin û du ji çar jinên wî jî di şer de hatin kuştin.

li Tirkiyeyê dijiya

Lê Umm Hudeyfe ne li wir bû - ew bi navekî gumankirî li Tirkiyê dijiya û di sala 2018an de hat girtin. Ew di Sibata îsal de vegeriya Iraqê û ji wê demê ve di girtîgehê de ye; rayedar li ser rola wê ya di nav DAIŞê de lêkolînê dikin.

Serokê berê yê DYAyê Donald Trump di 27ê Cotmeha 2019an de ragihandibû ku serkirdeyê DAIŞê Ebûbekir Bexdadî di operasyoneke hevbeş a hêzên taybet ên DYA û HSDê de li Idliba li bakurê Sûriyê hatiye kuştin.

Fermandarê QSD’ê: Me bi DYA’yê re operasyoneke dîrokî pêk anî

Ji aliyê din ve Fermandarê Giştî yê Hêzên Sûriyeya Demokratîk (HSD) Mazlûm Ebdî di nivîsa xwe ya bi zimanê erebî de li ser hesabê xwe yê Twitterê got, "Di encama xebatên hevbeş ên îstixbaratî yên bi Amerîkayê re, me operasyoneke dîrokî ya serkeftî pêk anî."

Hate şîrovekirin ku gotinên Ebdî tê wateya ku serçeteyê DAIŞ'ê Ebûbekir Bexdadî hatiye kuştin û endamên QSD'ê jî beşdarî operasyonê bûne.