Dêrazor | 14 çekdarên Ereb xwe radestî HSDê kirin

PeyamaKurd – Hat ragihandin ku 14 çekdarên ku destên wan di bûyerên dawî yên li Dêrezorê de hebû, piştî banga Hêzên Sûriya Demokratîk (HSD) û mohleta 15 rojan xwe radest kirin.

HSDê ragihandiye ku di çarçoveya lêborînê de, deriyê wan ji wan kesan re vekirî ye, ku vegerin û xwe radest bikin.

Hate diyarkirin ku doh 4ê Cotmehê 14 çekdarên din xwe radestî HSDê kirine ku destên wan di bûyerên Dêrezorê de hebûye.

Çekdarekekî xwe radest kiriye gotiye: “Em xelkên navçeya Dêrezorê, navçeya Zîban in. ;e li kêleka milîsên Îranî û rejîmê şer kir. Ew dixwazin deverê têk bidin. Em jî hatine rewşa xwe çareser û asayî bikin bi HSDyê re.

Çekdarekî din jî dibêje, “Em xelkên Dêrezorê ne û  ji navçeyên rejîmê hatine. Me bi Hêzên Sûriyeya Dmokratîk re li hev kir. Tiştek nîne, serederiya hevalan baş e. Pêşî hate gotin ku şerê eşîran e lê derket ku fitneya rejîmê û hin dewletên din e."

Hêjayî bibîrxistinê ye, HSDê 28ê Îlonê ji çekdarên destên wan di bûyerên Dêrezorê de hebûn û reviyabûn xwestîbû heta 15 rojan (Heta 12ê Cotmehê) xwe radest bikin.