Di 2 rojên cejnê de 16 kesan jiyana xwe ji dest dan

PeyamaKurd – Wezîrê Karên Hundir ê Tirkiyeyê Alî Yerlîkaya ragihand ku di qezayên trafîkê yên 2 rojên ewil ên betlaneya Qurbanê de 16 kes mirin.

Wezîr Yerlikaya di daxuyaniya xwe ya li ser hesabê xwe yê medyaya civakî da diyar kir ku ekîbên trafîkê yên Polîs û Jendermeyan ji bo ewlehiya welatiyan tedbîrên pêwîst girtine û bi hesasiyeteke mezin kontrol dewam dikin.

Yerlîkaya diyar kir ku di 16ê Hezîranê roja yekşemê di roja duyemîn a cejnê de di nava 24 saetan da 726 qezayên trafîkê qewimîn û da zanîn ku di van qezayan de 11 kes mirin û 1295 kes jî birîndar bûn.

Yerlîkaya diyar kir ku ekîban 289 hezar û 700 wesayit teftîş kirine û destnîşan kir ku 18 hezar û 889 wesayit ji kontrola lez û radarê, 17 hezar û 227 wesayit jî di prosedurên din da hatine kontrolkirin.

Yerlikaya ji welatiyan xwest ku rêzikên trafîkê bişopînin û wiha got:

"Mixabin di 2 rojên ewil ên betlaneya cejnê de (şemî û yekşem) 16 kesan jiyana xwe ji dest dan, 2 hezar û 716 kes jî birîndar bûn. Ji welatiyên me yên ku jiyana xwe ji dest dane rehma Xwedê û ji birîndarên me re jî şifaya xêrê dixwazim. Ji kerema xwe zêde lezê nekin, hem di wesayitên xwe de hem jî di otobusan de kemberên ewlehiyê girêdin."