Du esîrên Ereb pistgiriya xwe bo HSDê ragihandin

PeyamaKurd – Hate ragihandin ku piştî êrîşên komên çekdarên opozîsyona Sûriyê ya Tirkiye piştevaniya wan dike û banga seferberiyê ya Hêzên Sûriya Demokratîk (HSD) Şêx û rûspiyên êlên Tey û Şerabî yên Ereb piştevaniya xwe ji bo HSDê eşkere kirin.

Fermandariya Giştî ya Hêzên Sûriyeya Demokratîk piştî destpêkirina êrîşên ser Heleb, Til Rifat û Şehbayê banga piştgiriyê ji hemû xelkê Rêveberiya Xweser kiribû. Şêx û rûspiyên êlên Tey û Şerabî jî bi daxuyaniyên cuda piştevaniya xwe ji bo hêzên parastinê yên HSDê nîşan dan.

Li gorî medya Rojavayê Kurdistanê, êla Şerabî li gundê El Hemer ê bajarê Holê bi beşdariya bi dehan rûspiyên êlê û xwendina daxuyaniyekê ji aliyê şêx Bender Ubêd ve piştgiriya xwe bo HSDê diyar kir.

Dîsa serokê meclîsa eşîrên Tey a Ereb a Sûriyeyê şêx Hesen Ferhan jî li nivîsgeha xwe ya Qamişloyê, bi beşdariya rûspî û şêxên eşîrê daxuyanî da û ragihand, “Meclîsa Eşîra Tey pabendî parastina herêmê ye û ji me hemûyan tê xwestin ku li hember komên çete yên ku Tirkiye piştevaniya wan dike ji bo dagirkirina axa me, têbikoşin.”