Elî Teter 2 rojan sîna gistî ji bo qurbaniyên teqîna Duhokê ragihand

PeyamaKurd – Parêzgarê Duhokê Elî Teter 2 rojan şîna giştî ji bo qurbaniyên teqîna Duhokê ragihand.

Li gor zanyariyan, şeva borî li Duhokê di encama teqîna tankeke gazê de 5 kesan can dan û 42 kes jî birîndar bûn. Parêzgarê Duhokê jî ji bo 2 rojan şîna giştî li wê parêzgehê ragihand.

Herwiha Parêzgarê Duhokê Elî Teter di konferanseke rojnamavanî de da zanîn, di bûyerê de 5 kesan can dan û 42 kes jî birîndar bûn, rewşa du birîndaran giran e.

Elî Tatar eşkere kir, Serok Barzanî pêwendî bi wan re kiriye û hevxemiya xwe ji malbatên qurbaniyan re ragihandiye, Serokê Herêma Kurdistanê li Bexdayê ye û nekarî beşdar bibe, Serokwezîrê Herêma Kurdistanê Mesrûr Barzanî şeva borî heta sibehê li ser xetê bû û li rewş û tenduristiya birîndaran pirsî û sersaxî ji malbatên qurbaniyan re xwest.