Encûmena Asayisa Navdewletî îro li ser dirêjkirina gihandina alîkariyan ji bo Sûriyê dicive

PeyamaKurd – Encûmena Asayişa Navdewletî wê di civîna xwe ya îro de, deng li ser projebiryara dirêjkirina mekanîzma derbaskirina alîkariyên mirovî di sînorî Sûriyê re bide.

Li gor zanyariyan, biryara 2585 a Encûmena Asayişa Navdewletî ya derbaskirina alîkariyên mirovî bi rêya deriyê sînorî yê bi Tirkiyê re (Bab El-Hawa) re ji bo bakurê rojavayê Sûriyê di 10ê Tîrmeha 2022an de bi dawî dibe.

Herwiha di çarçoveya wê projeybiryara ku ji aliyê Norwêc û Îrlanda – endamên ne-daîmî yên Encumena Asayişê – ve hatiye amadekirin, bikaranîna deriyê Bab El-Hawa li ser sînorê Sûriye-Tirkiyê ji bo derbaskirina alîkariyên mirovî wê heta 10 Tîrmeha 2023an bê dirêjkirin ku mehane wê bi sedan kamyon tê re derbas bibin.