Encûmena Wezîran a Kurdistanê plana stratejiya têkosîna dijî gendeliyê pejirand

PeyamaKurd - Encûmena Wezîran a Hikûmeta Herêma Kurdistanê plana stratejiya niştimanî ya tekoşîna hember gendeliyê pejirand.

Serokê Desteya Destpakiyê ya Herêma Kurdistanê Dr. Ehmed Enwer ragihand, “Ew stratejî li ser bingeha Xalên bihêz, lewaz û metirsiyan hatiye darêjandin û piştî pejirandina wê ya ji aliyê encûmena wezîrên herêma Kurdistanê ve li ser hemû aliyên helsengandinê, ji bo temamê saziyên hikûmeta herêma Kurdistanê û li sektora duyem, temamê partiyên siyasî û li sektora sêyem de jî, sektora taybet de dê helsengandin li ser bê kirin û hemû guftûgo jî bi awayê rû bi rû dê bêne encamdan ku bikare ew xalên bihêz û lawaz bên destnîşan kirin ku dibin sedemê serhildana gendeliyê.”

Ehmed Enwer got: “Hikûmeta herêma Kurdistanê kar bi yasaya çaksaziyê dike ji bo encamdana paksazî li wan dosya û biryarên hatine dayîn, em jî li desteya destpakiya herêma Kurdistanê kar dikin ji bo em bikarin wan dozên hatine vekirin zelal bikin.”