Rojhilata Navîn

Encûmena Wezîran îro yekem civîna xwe li dar dixe û plana xwe ya destpkê pêskês dike

15 July 2019 10:43 0 dîtin
Encûmena Wezîran îro yekem civîna xwe li dar dixe û plana xwe ya destpkê pêskês dike

PeyamaKurd - Civata wezîrên Hikûmeta Herêma Kurdistanê îro Duşemê (15.07.2019) yekemîn civîna xwe ya fermî li dar dixe û wezîreka kabîneyê jî da xuyakirin, wezîr dê bêne erkdarkirin ku plana karê xwe yê 4 salên bê amade bikin û pêşkêşî serokwezîr bikin.

DI CIVÎNÊ DE WEZÎR PLANA XWE PÊŞKÊŞ DIKIN

Wezîra Çandinî û Çavkaniyên Avê, Bêgerd Talebanî ragihand, roja duşemiyê civata wezîran yekemîn civîna xwe ya asayî encam dide û got: “Di civîna sibê de her wezîrek plana destpêkê ya karê xwe pêşkêş dike.”

Wezîra Çandiniyê ew yek jî eşkere kir ku di civîna civata wezîran de, wezîr dê bêne raspartin bo danîna planeke stratejîk bo 4 salên bê û da xuyakirin, her wezîrekê 30 roj hene bo nivîsîna vê plana stratejîk ku bo 4 salan kar li ser bike.

Roja 10ê Tîrmeha 2019an, kabîneya nehem a Hikûmeta Herêma Kurdistanê ji parlamentoyê bawerî wergirtibû û bi fermî dest bi kar kiribû.