Erdogan biryar da: Hilbijartin dê di 14ê Gulanê bê kirin

PeyamaKurd- Serokomarê Tirkiyeyê Recep Tayip Erdogan, biryarnameya hilbijartinên giştî yên Tirkiyeyê ku ku dê 14ê Gulanê bê kirin, destnîşan kir.

Serokomarê Tirkiyeyê Erdogan li ser biryarnameyê got ku

“Biryara encamdana hilbijartinan, dê sibê di Rojnameya Fermî de were belavkirin û piştî wê, Saziya Bilind a Hilbijartinan (YSK) dê bernameya hilbijartinan a 2 mehan bide destpêkirin. Bi desthilata madeya 116 a Destûra me ya Bingehîn, min biryarnameya nûkirina hilbijartinan a di 14ê Gulanê de destnîşan kir.

Miletê me, dê di 14ê Gulana 2023yan de ji bo hilbijartina Serokomar û parlamenteran biçe ser sindoqan. Ez hêvî dikim ku biryar ji bo welatê me û xelkê me bi xêr û xweşî be.”

Erdogan, di dewama axaftina xwe de got,

“Bi destûra xala 116an a Destûra Bingehîn, min biryara nûkirina hilbijartinên ku divê di 18ê Hezîrana 2023yan de bihatana kirin, ji bo 14ê Gulanê destnîşan kir. Piştî vê biryarê ku dê sibê di Rojnameya Fermî de bê weşandin, YSK dê dest bi salnameya hilbijartinê ya 2 mehan bike û ji bo parlamenterên xwe hilbijêrin dê biçin ser sindoqan.

Me biryara beriya sersalê parve kir. Çend sedemên girtina biryara ji bo pêşdebirina roja hilbijartinê ev in; 18ê Hezîranê dîrokek bû ku bi salnameya azmûnên zanîngehan hebûn. Ev dîrok hevdem bû di demekê de ku bi sed hezaran welatiyên me li welêt û derveyê welêt ji bo pêkanîna mercên Hecê çûne axên pîroz. 

Ji ber ku dibistanên seretayî û amadehî di betlaneyê de bûn, bi milyonan welatiyên me dê biçin betlaneyê û biçin bajarên xwe. Wekî vebijêrk me 14ê Gulanê pêşniyaz kir. Em dizanin ku dîrokek ku di warê rabirdûya me ya demokratîk de bi salvegereke watedar re têkildar e, baş tê pêşwazîkirin. 

Lê belê erdheja 6ê Sibatê, roja hilbijartinê ji rojeva me derxistibû. Her çiqas mezinbûna qada hilweşandinê karê me gelek zehmet kir jî me bi lez û bez alîkariya gelê xwe kir. Di erdheja ku li qadeke berfireh hat hîskirin de zêdeyî 47 hezar mirovên me jiyana xwe ji dest dan. 

Zêdetirî 115,000 kes jî bi birîndarî hatin rizgarkirin. Armanca me ew e ku di nav salekê de 319 hezar malên ku ji 244 hezar niştecih û 75 hezar malên gund pêk tên temam bikin û demildest radestî kesên sûdmend bikin. 

Em bi biryar in ku bi temamkirina xaniyên erdhejê gav bi gav heta ku em ji 3,5 milyon mirovên xwe re qadên jiyanê yên nû, ewle û aram ava bikin, bixebitin. Rêya asayîkirina navçe û welatê me bi derbaskirina bandorên erdhejê, bi aqilane cîbicîkirina biryarên ku bi vîna siyasî ya bihêz tên girtin e.

Ji bo pêçandina birînên erdhejê, me hemû hewilên xwe dan û salnameya hilbijartinê jî berdewam kir. Divê em bernameyeke ku dê birînên wêraniyeke ku li cîhanê nehatibû dîtin, bipêçin.

Alozî û nezelaliyên siyasî dibe sedema astengkirina xebatên ji bo dermankirina birînên erdhejê. 

Bûyerên hefteya dawî têra xwe nîşan didin ku ev xetere çiqas mezin e. Di dema ku beşeke welat ji bo wendakirina jiyana xwe diqîre, em nikarin ji ber hesabên wan ên siyasî ji ber nezaniya beşekî sûcê neteweyî bikin. Taqeta Tirkiyeyê, li hemberî wendakirina demê û balkişandinê tuneye. Tirkiye bêyî ku xirbeyên erdhejên 6ê Sibatê ji holê rabike û zirarên xwe yên aborî, civakî û derûnî telafî bike, nikare bi bawerî li pêşeroja xwe binihêre. 

Ji bo zêdekirina hilberîn û îstîhdamê, pêwîst e welatê me rojeva hilbijartinê li pişt xwe bihêle. Ji ber vê yekê em biryara xwe ya nûkirina hilbijartinên 14ê Gulanê dixin jiyanê.

Bi weşandina biryara ku di Rojnameya Fermî de bê weşandin re dê YSK salnameya hilbijartinê amade bike û eşkere bike. 

Bi taybetî ez dixwazim bi bîr bînim ku bûyer çiqas zû diqewime. Rojeva me dîsa dê ji dermankirina birînên mexdûrên erdhejê pêk were. Ez guhên xwe didim axaftinên ecêb ên hin nûnerên opozîsyona sereke. Em nizanin kengê em çûn herêmê.

Di roja duyemîn de ez gihîştim herêma erdhejê. Piştî ku me gereke bi vî rengî qedand, me bi Devlet Bey re li vê derê dest pê kir. Em jî bi Birêz Destici re geriyan. Em birîndar in, em di tengasiyê de ne; Xanim dipeyive. Wekîlê Hatayê bû... Wekî Serokomar me li 11 parêzgehan xebatên xwe bi heman hesasiyetê berdewam kirin.

Di derbarê kesên ku dixwazin ji AK Partiyê bibin namzetê parlamentoyê de biryara ku me daye, parve dikim. Her kesê/a ku ji bo namzetiyê serî li partiya me bide, ew ê pêşî mîqdara herî kêm a ku yekîneya me ya eleqedar diyar bike, wekî bexş razîne hesabên alîkariyê yên erdhejê yên AFADê. 

Di serî de ez spasiya her kesên ku dê beşdar bibin, dikim. Ez hêvî dikim ku ji bo partiyên din jî bibe mînak. Em ji bo vê banga dilsoz ji her kesê/a ku dê wekî namzetê Serokomariyê yê Tifaqa Komarî bi me re têbikoşin û ji bo nûnertiya li Meclîsê têbikoşin, em piştgiriyê dixwazin.

Wekî Tifaqa Komarî em hemû muzîkên ku me amade kirine qedexe dikin. Kampanyayeke bê muzîk dê bê rêvebirin. Em ê bi hevdîtinên rû bi rû ji welatiyên xwe re qal bikin bê ka me çi kiriye û em ê çi bikin.”