Erdogan: Em xwedî li Kurdên Kobaniyê derketin

PeyamaKurd – Serokomarê Tirkiyeyê Recep Tayyip Erdogan, îro 11ê Çile di gotareke xwe ya li Koşka Serokomariyê de, li ser mijara vegerandina penaberên Sûrî daxuyanî dan û got, “Em xwedî li Kurdên Kobaniyê û birayên Ereb ên ji herêmên din ên Sûriyê derketin.”

Erdogan di axaftina xwe de, li ser mijara PKKê û FETOyê rexne li welatên Ewropayê yên endamên NATO û Neteweyên Yekbûyî girtin û got: “Niha hin welatên endamên NATO û NY bûne stargeha wan.”

Di berdewamê de jî Erdogan li ser mijara koçberên Sûriyê yên li Tirkiyeyê diyar kir: “Me ti kesê ku xwe avêtiye welatê me, bi zorê neşandiye. Em xwedî li Kurdên Kobaniyê û birayên Ereb ên ji herêmên din ên Sûriyê derketin. Me li bawerî û koka ti kesî nenêrî. Çawa ku rewşa ewlehiya Bakurê Sûriyê (Rojava) baş dibe, vegera Sûriyeyên li welatê me bo malên xwe bileztir dibe.”