Erdogan: Emê nehêlin Stenbolê pêskesî nûnerên PKKê bikin

PeyamaKurd – Serokomarê Tirkiyê û Serokê Giştî yê AKP Recep Tayyip Erdogan li bajarê Trabzonê di merasîmeke vekirinê de gotarek pêşkeş kir û di daxuyaniyên xwe de tayînkirina qeyûman ber sir bajarê Kurdan de parast.

Erdogan herwiha gef li rêveberiya Şaredariya Bajarê Mezin a Stenbolê ku di hilbijartina dubarekirî de bi 800 hezar ferqa dengan û bi piştgiriya hilbijêrên Kurdên Stenbolê ji AKPê derbarê CHPê bûye jî xwar.

 Erdogan sedema destdanîna ser şaredariyên Amed, Wan û Mêrdînê wekî piştgirî û alîkariya PKKê ya wan şaredariyan nîşan da û bêyî ku encamên hilbijartinên herêmî bi bîr bîne got, “Divê em bersiva nûner û peyrewên vê rêxistinê (PKK) yên di parlamentoyê de, di sindoqan (hilbijartin) de bidin.”

Herwiha ji bo Stenbolê jî Erdogan gef xwar û diyar kir, “Emê hemû bi hev re xwedî li Stenbolê derkevin. Emê nehêlin Stenbolê pêşkeşî nûnerên rexistina ku parçebûnê dixwaze bikin.”