Êzîdî giliyê Tirkiyeyê li Neteweyên Yekbûyî dikin

PeyamaKurd – Di 17ê Tebaxa 2021an de ji aliyê Tirkiyeyê ve li Şengalê li dijî nexweşxaneyeke sivîlan êrîşeke hewayî pêk anîbû, li Komîsyona Mafên Mirovan a Neteweyên Yekbûyî gilî hat kirin.

Di êrîşa ku mijara gotinê ye de 8 kesan can dan û zêdeyî 20 kes jî birîndar bûn.

4 giliyên ku di nav wan de kesên ji êrîşê rizgar bûne û şahidên bûyerê jî hene, di serlêdana xwe ya ji bo Neteweyên Yekbûyî de îdia kirin ku mafê wan ê jiyanê hatiye binpêkirin.

Di dosyaya gilîkirinê de hat îdiakirin, Tirkiye li ser mirina sivîlan lêkolîn nekiriye û rêyên hiqûqî yên bi bandor ji mexdûran re nedaye.

Rojnameya Guardian a ku navenda wê li Îngilîstanê ye, nivîsand ku dosya di nava du salan de hatiye amadekirin û hefteya borî radestî Neteweyên Yekbûyî hatiye kirin.

Tirkiye îdia dike, êrîşên esmanî yên li herêmê PKK û rêxistina Êzîdî YBŞ kirine armanc, ku Enqere wek baskekî PKKê dibîne. Ji aliyê din ve YBŞ red dike ku têkiliya wê bi PKKê re hebe.