Fransa: Em nikarin zêdetir li benda endamtiya Swêdê ya NATOyê bimînin

PeyamaKurd – Wezîra Karên Derve ya Fransayê Catherine Colonna ku bang li Tirkiye û Macarîstanê kir got, endamtiya Swêdê ya NATOyê di berjewendiya her kesî de ye.

Wezîra Derve ya Fransayê Catherine Colonna xîtabî Tirkiye û Macarîstanê kir û diyar kir ku dema qebûlkirina serlêdana endamtiya Swêdê ya ji bo endamtiya NATOyê ye.

Colonna piştî pêşwazîkirina hevtayê xwe yê Swêdî li Parîsê, di civîna çapemeniyê ya piştî hevdîtina wan de diyar kir, ew dixwazin di lûtkeya ku wê di 11-12 Tîrmehê de li Vilnius a paytexta Lîtvanya bê lidarxistin de Swêd wek endamekî tam bibînin.

Colonna da zanîn, "Em êdî nikarin li bendê bin."

Wezîra Fransî anî ziman ku pêwîst e bingeh û sedemên damezrandina NATOyê hemû bi hev re bi bîr bînin û destnîşan kir ku endamtiya Swêdê ne tenê li herêma Baltîkê, herwiha heta ku ev yek wê ewlekarî û aramiya tevahiya Ewropayê xurtir bike. şerê li Ukraynayê berdewam dike.

Colonna bal kişand ser wê yekê ku di berjewendiya her kesî de ye tevbigerin û wiha got: "Berevajî vê, derengxistina vê beşdariyê wê zehmetiyek ku em jê fêm nakin derxîne."

WEZÎRÊ DERVE YA SWÊDÊ BILLSTROM: BIRYAR DI DESTÊ TIRKIYÊ DE YE

Wezîrê Derve yê Swêdê Tobias Billström ku ji bo cara duyemîn di Cotmeha 2022an de hate wezîfedarkirin, serdana Parîsê kir, ji rojnamevanan re got, şerê Ukraynayê xalek zivirînê ye ku welatê wî dev ji siyaseta xwe ya bêalîbûnê ya 200 salî berdaye.

Billström eşkere kir, "Em dixwazin bibin endamê NATOyê, lê biryar di destê Tirkiyeyê de ye."

Tê çaverêkirin ku di civîna sêalî ya ku heftiya bê li Enqereyê bi beşdariya Tirkiye, Swêd û Fînlandiyayê tê lidarxistin de endamtiya Swêdê ya NATOyê were gotûbêjkirin.

Sekreterê Giştî yê NATOyê Jens Stoltenberg diyar kir, beriya lûtkeya Vilniusê pêkan e ku lihevkirinek çêbibe. Lê belê Erdogan hişyarî dide ku dibe ku Tirkiye di lûtkeya bê de hêviyên Swêdê pêk neyne.

Li gor hêviyên Tirkiyê hin gavan avêtin, Swêd vê dawiyê yasaya xwe ya dij-terorê guhert û radestkirina alîgirên PKKê bo Tirkiyê qebûl kir.

Fînlandiyaya ku tevî Swêdê serlêdana endamtiyê kiribû, di meha Nîsanê de bû endama tam a NATOyê. (Çavkanî: Euronews)