Hengaw: Di mehekê de li Rojhilatê Kurdistanê herî kêm 12 kesan xwe kustin

PeyamaKurd – Di nav mehekê de, li Rojhilatê Kurdistanê herî kêm 12 kesan xwe kuştin.

Li gor Malpera Mafên Mirova ya Hengawê diyar kir: ‘‘Di nav mehekê de, li Rojhilatê Kurdistanê 12 kesan xwe kuştin, 6 heb ji wan jin in û 6 jî zilam in.’’

Li gor rapora Hengawê, temenê 5 kesên ku xwe kuştin, kêmtirî 18 salan e. 4 ji wan keç in û yek jî kur e.

Herwiha li gor agahiyan, sedema piraniya wan xwekuştinan, arîşeyên nav malbatê bûne.

Li gor raporta Hengawê: ‘‘Li Îlamê 3 kesan xwe kuştine, ku ji wan 2 jin in û zilamek e, li Kirmaşanê zilamek, li Sine 5 kes ku ji wan 2 jin û 3 zilam in û li Ûrmiyê jî 3 kes 2 jin û zilamek, xwe kuştine.

10 kes ji wan kesan xwe xeniqandine, kesekî bi xwarina derman xwe kuştiye û yekê jî xwe li ser ban avêtiye xwarê û xwe kuştiye.