Herdu welatan, li ser hevkariya petrolê li hev kir

PeyamaKurd- Li gorî agahiyên ku hatin ragihandin, di navbera Îran û Erebîstana Siûdî ya ku têkiliyên wan asayî bûne de dê hevkariya petrolê dest pê bike.

Rêvebirê Giştî yê Kompaniya Neteweyî ya Petrolê ya Îranê Muhsîn Hocestemehr, destpêkirina hevkariyên petrolê yên Têhran û Riyazê ragihand.

Li gorî nûçeya Pars Todayê ku yek ji ajansên fermî yên Îranê ye, Hocestemehr got ku

"Bi sedema ji nû ve avakirina peywendiyên Îran û Erebistana Siûdî, xebatên amadekariyê ji bo hevkariyên dualî dest pê kirin û ji bo zêdekirina hilberînê û berdewamkirina şiyana hilberînê ya ji bo hemû qadên hevpar, erêkirinên pêwîst hatin kirin."

Hocestemehr amaje bi wê yekê jî kir ku dê di demeke nêzîk de nûçeyên erênî yên li ser zêdekirina berhemanînê li kêlgeha hevbeş a petrolê ya Forûzan a navbera Îran û Erebistana Siûdî bên ragihandin û got,

“Girêbesta çêkirina zeviya gazê ya Ferzad hatiye destnîşankirin û niha çêkirina vê îzolekirina nû berdewam e. ji aliyê Petropars ve tê meşandin. Tu zeviyeke hevbeş ku heta niha di navbera Îran û Erebistana Siûdî de nehatiye veqetandin tuneye û hemû amadekarî ji bo destpêkirina kolandina zeviya petrolê ya hevbeş a Areş hatiye kirin.”