Hewlêrê 2 pêsniyar ji bo madeya 140 pêskêsî Bexdayê kirin!

PeyamaKurd – Hikûmeta Herêma Kurdistanê ji bo cîbicîkirina maddeya 140ê du pêşniyar pêşkêşî Iraqê kir û daxwaza cîbicîkirina bendên qerebûkirinê yên derbarê vê madeyê di nava 2 salan de kir.

Nûnerê Komîsyona Bilind a Madeya 140 a Destûra Iraqê ya Herêma Kurdistanê Dijwar Faîk ji Rûdawê re wiha got:

"Pirsgirêka tazmînatê 18 sal in nehatiye çareserkirin"

“Me 2 pêşniyar pêşkêş kirin. Yekem, li şûna ku 20 milyon dînar tazmînat bidin Erebên îthalkirî, ji bo vegerandina wan zevî bidin wan, ku nirxê wê ne kêmtir ji 20 milyon dînar be; Duyem, daxwaz ji hikûmeta Iraqê bike ku pereyê pêwîst dabîn bike û di nava du salan de pirsa qerebûkirinê temam bike. 18 sal in pirsgirêka tazmînatê nehatiye çareserkirin.”

Wezareta Parastinê ya Iraqê ku 17 sal in bêdeng e, çima niha diaxive?

Dijwar Faîk diyar kir, wan ji Wezareta Parastinê û Wezareta Çandiniyê ya Iraqê xwestiye ku destûr bidin cotkaran da ku li zeviyên xwe bixebitin. Wezareta Parastinê ya Iraqê ku ev 17 sal in bêdeng e, çima niha diaxive?"

Xala 140emîn

Madeya 140 a li ser statuya Kerkûkê û navçeyên din ên nakok (Diyala, Mûsil, Selahedîn); Ji qonaxên asayîkirin, serjimartin û referandûmê pêk tê.

Li gorî yasa û rêbazan qerebûya ku ji bo koçberan tê dayîn 10 milyon dolar e, ji Erebên ku ji derve tên kirin jî li hember vegerê du qat ev mûçe tê dayîn.

Piştî ku Hikûmeta Muhammed Şîa El-Sûdanî hat avakirin, Komîteya Bilind a Cîbicîkirina Xala 140 a Destûra Iraqê ji nû ve hat aktîfkirin.

Komîte ji aliyê Serokê Hevpeymaniya Fetih Hadî Amirî ve tê birêvebirin.