Hisyariya Amerîka ji Lavrov ji bo Kurdên Rojava: Hewl dide nîvdewletekê ava bike

PeyamaKurd – Wezîrê Karên Derve yê Rûsyayê Sergey Lavrov diyar kir ku DYA Kurdên Sûriyeyê di lîstikên xwe de bi kar tîne û got, "Em tiştên ku hatin serê rêveberiya Afganîstanê ku biryar da baweriya xwe bi sozên DYAyê bîne, tînin bîra we."

Lavrov, bal kişand ser rewşa Sûriyeyê jî, diyar kir ku yekîneyên leşkerî yên Amerîkayê li vir hene û got, "Ev yek rasterast bandorê li rewşa Sûriyeyê dike. Sedema rewşa li rojhilatê Firatê jî ev e."

Lavrov bi bîr xist ku DYA li derdora taxa Tanifê herêmeke bi firehiya 55 kîlometreyan ava kir û got ku Amerîkiyan di têkoşîna li dijî terorê ya li vê herêmê de pirsgirêkan çareser nekirine û hewl didin "nîvdewleteke" ava bikin.

Lavrov got, "Li vê herêmê depoyên neft û gaza xwezayî û zeviyên çandiniyê yên bi berdar hene. Ev der bi awayekî hovane tê îstîsmarkirin. Emerîkî ji vir petrol, gaza xwezayî û genim derdixin û difiroşin. Ev pere naçe butçeya Sûriyeyê, tê bikaranîn ji bo teşwîqkirina cudaxwaziyê û avakirina nîvdewletê."

“Divê Kurd bi hikûmeta Sûriyê re lihev bikin”

 Lavrov got, "Amerîkî Kurdan di lîstikên xwe de bi kar tînin û li dijî wan dilîzin. Divê Kurd fêm bikin ku pêşeroja wan di Sûriyeya yekbûyî de ye. Divê hêvî nekin ku Amerîkî alîkariya wan bikin, divê bi hikûmeta Sûriyeyê re li hev bikin û li ser mafên xwe yên kêmneteweyî li hev bikin."

Lavrov axaftina xwe wiha domand:

"Li ser vê mijarê diyalog hebû û me jî teşwîqê vê diyalogê dikir. Paşê jî Amerîkiyan kurdan îqna kirin ku ji danûstandina bi hikûmetê re çêtir e ku alozî derbikevin. Di pêwendiyên xwe yên bi hevkarên xwe yên Kurd re, me ji wan re got ku Afganîstan Hikûmeta ku biryar da ku bi gelê xwe bawer bike, ne bi diyaloga netewî, lê bi sozên DYAyê. Em tiştên ku hatine serê we tînin bîra we.

Amerîkî ew di şevekê de tenê hiştin. Ez hêvî dikim ku hevkarên me yên Kurd ezmûna dîrokî ya vî welatî ku nêzîkî Sûriyê ye, li ber çavan bigirin û dest bi danustandina diyaloga niştimanî bikin û bi Şamê re li ser şert û mercên jiyana di dewleta Sûriyê ya yekbûyî de bigihin rêkeftinekê."