HTSê Sam xist kontrola xwe: Rejîma Esed bidawî bû

PeyamaKurd – Desteya Tehrîr Şamê ragihand ku wan paytexta Sûriye Şam xistiye kontrol xwe û Serokê Sûriyeyê Beşar Esed jî reviyaye. Çekdarên komên opozîsyonê dema ketin Şamê wêneyên Esed û sembolên bermahiyên wî jî şewitandin.

HTŞê eşkere kir ku wan piştî Humsê Şam jî kontrol kiriye. HTŞê bang li Sûriyeyiyên li derve kir û got, “Dawiya rejîma Beşar Esed hat. Bila hemû koçberên Sûriyeyî vegerin Sûriyeya azad.”

Serokê Tehrîr El Şamê Mihemed Ebû Colanî (Ahmed Eş-Şara) ragihand, “Heta ku desthilat bê radestkirin dê saziyên dewletê di kontrola Serokwezîr Mihemed Celalî de bimînin.”

Colanî bang li hemû hêzên xwe jî kir û got, qedexe ye nêzî saziyên dewletê bibin û guleyan ber bi hewayê ve bireşînin.

Reuter: Esed bi balafirê terka Şamê da

Ajansa Reutersê jî ragihand ku Beşar Esed û malbata xwe bi balafirê terka Şamê dane, lê nehat diyarkirin bê ku de çûne.