Înkarkirina îdiayên Joe Biden ji Qesra Spî hat!

PeyamaKurd – Berdevkê Koşka Spî Andrew Bates îro Înê di daxuyaniyekê de ji bo çapemeniyê red kir ku Serokê Dewletên Yekbûyî yên Amerîkayê (DYA) û berbijarê Demokratan ê serokomariyê di hilbijartinên bê de Joe Biden ji pêşbirkê vekişin.

“Tiştekî wisa dê çênebe. "Kesên van îddîayan dikin li ser navê malbata wî an ekîba wî naaxivin, û ew ê xeletiya wan were îsbat kirin."

"Baweriya xwe biparêzin."

Daxuyaniyên Bates piştî nûçeyek hat weşandin ku endamên malbata Biden planek vekişînê diafirînin.

Di raporta ku li ser NBCyê hat weşandin de, hat diyarkirin ku endamên malbata Biden li ser plana vekişînê ya "bi baldarî hesabkirî" difikirin.

Herwiha di raporta ku roja Pêncşemê ji aliyê malpera nûçeyan a Amerîkayê Axios ve hatiye weşandin de, hatiye gotin ku Biden wê dawiya hefteyê bi qanîkirina endamên Partiya Demokrat û hevalên nêzîk ji pêşbirkê vekişe.