Îran tohmeta êrîsên li ser Hevpeymaniya Navdewletî û Amerîkayê red dike

PeyamaKurd – Îran, tohmeta êrîşên li ser Hevpeymaniya Navdewletî û Amerîkayê yên li Iraqê têne kirin red dike.

Nûnerê Herdemî yê Îranê yê li Neteweyên Yekbûyî Mecîd Text Rewancî red dike ku pêwendiya welatê wî bi wan êrîşan hebe ku bi ser hêzên Hevpeymanan û Amerîkayê yên li Iraqê têne kirin.

Herwiha Mecîd Text Rewancî êrîşên esmanî yên hefteya borî yên Amerîkayê yên li ser binkeyên komên çekdar ên Iraqê li sînorê Iraq û Sûriyê şermezar kir, ku di wan êrîşan de çar çekdarên Heşda Şeibî hatin kuştin.

Ev di demekê de ye ku Amerîka bi awayekî berdewam milîsên ser bi Îranê tohmetbar dike ku li dijî berjewendiyên Amerîkayê yên li Iraqê êrîşan encam didin.