"Iraq mafên destûrî yên gelê Kurdistanê binpê dike"

PeyamaKurd – Wezareta Darayî ya Herêma Kurdistanê got, "Hikûmeta federal mafên destûrî yên gelê Herêma Kurdistanê binpê dike. Mafên darayî yên Herêma Kurdistanê weke ku tên raguheztin."

Di daxuyaniya Wezareta Darayî de hatiye gotin ku mûçeyên meha Kanûna 2024ê yên memûr, karmend û xanenişînên Herêma Kurdistanê "divê ji aliyê hikûmeta Iraqê ve bê dayîn."

Di daxuyaniyê de hatiye gotin ku ji destpêka sala 2024an heta meha Kanûnê, Hikûmeta Herêma Kurdistanê diviyabû nêzîkî 960 milyar dînar ji dahata xwe ya navxwe bo dayîna mûçeyan xerc bike, lê Wezareta Darayî ya Iraqê hertim hincetekê didît ku kêmasiyê negire.

Di daxuyaniyê de hat destnîşankirin ku Bexda tevî biryara Dadgeha Federalî ya Iraqê ya derbarê mûçeyên teqawîdanan de xwe ji dayîna mûçeyên pêwîst dûr girtiye û herwiha hatiye zanîn ku mûçeyên mamostayan û karmendên bi girêbest jî ji dahata navxweyî hatiye wergirtin.

Wezareta Darayî di daxuyaniya xwe de eşkere kir ku "Hikûmeta Iraqê hewl dide mûçeyên karmendên Herêma Kurdistanê bike qurbana pirsgirêkên xwe yên navxweyî."

Wezaretê eşkere kir ku tevahiya mûçeyên ku ji bo sala 2024ê hatine dayîn 11 trîlyon û 576 milyar dînar e.

Di daxuyaniyê de hat destnîşankirin ku ev mîqdar ji bo sala borî 12 trîlyon dînar bû.

Di daxuyaniya wezaretê de tekezî li ser wê yekê hatiye kirin, ku Bexdayê ji bo her sêyem mûçeyek nêzîkî 1.8 trilyon dînar daye, lê tenê 1 trîlyon dînar daye.

Di daxuyaniyê de tekez li ser wê yekê jî hatiye kirin, “Hikûmeta federal mafên destûrî yên gelê Herêma Kurdistanê binpê dike. Mafên darayî yên Herêma Kurdistanê weke heyî nagihîne.”  Hat eşkerekirin ku weke Wezareta Darayî ya Herêma Kurdistanê, ji bo çareserkirina pirsgirêkên di warê mûçeyan de, em bi berdewamî ligel Bexdayê di peywendiyê de ne.